இருவர் அதிரடியாக கைது

இரத்தினபுரி பொலிஸ் பிரிவுக்குட்பட்ட பகுதியில் நேற்று புதன்கிழமை (21) மேற்கொள்ளப்பட்ட சுற்றிவளைப்பின்போது, ஹெரோயின் போதைப்பொருள், தோட்டாக்கள் மற்றும் வாள் உள்ளிட்ட பொருட்களுடன் ஆண் ஒருவரும் பெண் ஒருவரும் இரத்தினபுரி குற்றத்தடுப்புப் பிரிவினரால் கைது செய்யப்பட்டுள்ளனர்.

இரத்தினபுரி குற்றத்தடுப்புப் பிரிவு அதிகாரிகளுக்குக் கிடைத்த இரகசியத் தகவலின் அடிப்படையில் இந்தச் சோதனை நடவடிக்கை முன்னெடுக்கப்பட்டுள்ளது.

இதன்போது, படகெலே பகுதியைச் சேர்ந்த 29 வயதுடைய ஆண் ஒருவரும் 25 வயதுடைய பெண் ஒருவரும் கைது செய்யப்பட்டுள்ளனர்.

சந்தேகநபர்களிடமிருந்து 7 கிராம் 845 மில்லிகிராம் ஹெரோயின் போதைப்பொருள், ஹெரோயின் கொள்வனவுக்காக 124,500 ரூபாவை வங்கியில் வைப்பிலிட்டதற்கான ரசீது, டி-56 ரகத்தைச் சேர்ந்த 6 நேரடி வெடிமருந்துத் தோட்டாக்கள், 2 தோட்டாக்கள், பயிற்சித் துப்பாக்கிக்கான ஒரு தோட்டா, 3 வெற்றுத் தோட்டா உறைகள், உள்நாட்டில் தயாரிக்கப்பட்ட துப்பாக்கியின் பீப்பாய் ஒன்று மற்றும் வாள் ஒன்று என்பன கைப்பற்றப்பட்டுள்ளன.

கைது செய்யப்பட்ட இரு சந்தேகநபர்களும் இன்று வியாழக்கிழமை (22) இரத்தினபுரி நீதவான் நீதிமன்றத்தில் ஆஜர்படுத்தப்படவுள்ளனர்.

இந்தச் சம்பவம் தொடர்பான மேலதிக விசாரணைகளை இரத்தினபுரி குற்றத்தடுப்புப் பிரிவினர் முன்னெடுத்து வருகின்றனர்.